Sturtup Banner

Hüquqi maarifləndirmə günün tələbidir. Sosial sığorta haqları və sabit verginin ödənilməsi

Sual: Eyni anda həm ticarət sahəsində həm də digər (xidmət) sahədə fəaliyyəti olan fiziki şəxs məcburi dövlət sosial sığorta haqları üzrə hesabatı hansı fəaliyyət növü üzrə təqdim etməli və məcburi dövlət sosial sığorta haqları üzrə ödənişləri hansı dərəcələrlə ödəməlidir?

Cavab: Bildiririk ki, bir neçə fəaliyyət sahəsində sahibkarlıq fəaliyyəti ilə məşğul olan fiziki şəxslərin gəlirlərindən məcburi dövlət sosial sığorta haqları həmin sahələr üzrə hesablanmış məcburi dövlət sosial sığorta haqqının məbləğcə ən böyüyü əsas götürülməklə müəyyən edilir. Bu zaman hesabat məcburi dövlət sosial sığorta haqqının hesablandığı həmin sahə üzrə təqdim edilir.

Sual: İaşə obyektlərində fəaliyyət göstərən salat hazırlayan, xadimə və qabyuyan digər analoji işlərə aid edilərək “Sabit verginin ödənilməsi haqqında qəbz” almaqla fəaliyyət göstərə bilərmi?

Cavab: Vergi Məcəlləsinin 220.10-cu maddəsində göstərilən cədvələ əsasən iaşə obyektlərində fəaliyyət göstərən salat hazırlayan, xadimə və qabyuyan fiziki şəxslər sabit qəbz almaq hüququ olan vergi ödəyicilərinin siyahısına daxil edilməmişdir.

Culfa Rayon Vergilər Şöbəsi